نجوى كرم : الأسعار طايرة ولمتى بدنا نضل ناكل بعض؟
أطلقت النجمة اللبنانية نجوى كرم صرخة اجتماعية مدوّية انتقدت فيها الجشع المتحكم من قبل البعض الذين لا يلجأون إلى تخفيض أسعار المواد الغذائية المحلّقة أسعارها بالعالي تماشياً مع تراجع سعر صرف الدولار في الفترة الأخيرة.
وسألت نجوى كرم باستغراب “هل انباع الضمير بسوق الليرة؟ ومتى ستجمعنا المصيبة؟”، وذلك عبر نشرها مقطع فيديو عبر حساباتها الرسمية على مواقع التواصل الاجتماعي يوثق بالرسوم الكاريكاتورية الجشع السائد.
وقالت نجوى في تسجيل صوتي: “كانوا بالمدرسة قبل كل موضوع، يحطولنا عنوان، اليوم العنوان الشبع، سؤال!.. لما طلع سعر الدولار، طارت الأسعار، ولما نزل الدولار ضلّت الأسعار طايرة”.
وأضافت “لأيمتى بدنا نضل ناكل بعضنا؟ كتار منا مش مناسبهم ينزل سعر الدولار، أيمتى رح نشبع، وأيمتى بتجمعنا المصيبة؟ ومين ناطرين يشيلنا مادام نحنا عم نغرّق بعضنا، نباع الضمير بسوق الليرة، وما رح نشبع، ولا رح نرحم، وحياتكن في آخر، وفي آخرة..”، وختمت صرختها المعبّرة التي تحاكي همّ المواطن بعبارة “الشبع بيلغي الجشع”.
الشّبع بيلغي الجشع..#لبنان pic.twitter.com/TsDm9lh4HK
— Najwa Karam (@najwakaram) January 23, 2022
