عمرو واكد يثير غضب المشجعين المصريين بعد الفشل بالتأهل لكأس العالم
نتابت حالة من الحزن والأسى نجوم الفن المصريين بعد إخفاق منتخب بلادهم في التأهل إلى كأس العالم 2022 عقب الخسارة يوم الثلاثاء أمام السنغال.
وعلّق الفنان محمد هنيدي على أداء لاعبي السنغال خلال المباراة، حيث نشر صورة من فيلمه “بلية ودماغه العالية”، عبر حسابه في تويتر: وكتب: “العيال بتاعت السنغال شجر ولا بتتعب ولا بتتصاب ولا بتهنج…. شجر والله. شجر”، ثم علق على نتيجة المباراة بقوله: “الحمد لله على كل شيء”.
وجددت الفنانة شيرين عبد الوهاب ثقتها في المنتخب المصري، وكتبت عبر حسابها بـ”تويتر”: “حتفضل دائما وأبدا، ومصر حتفضل غالية علينا وفي عنينا وحتفضل يا صلاح فخر لينا وفخر لكل العرب، وتحيا مصر، وقدر الله وما شاء فعل”.
وهاجمت أنغام لاعبي السنغال والحكم، وكتبت عبر حسابها بموقع”تويتر”: “إحنا بنلاعب فريق بلطجي وحكم ظالم بس ربنا كبير”.
أما الفنان صلاح عبد الله فعلق على خسارة منتخب مصر من السنغال، كاتبا: “مِش هشجع ليڤربول تاني”.
وواسى المطرب رامي جمال منتخب مصر، وكتب عبر حسابه في “تويتر”: “مش نهاية الكون ومش وقت نجيب اللوم علي أي حد هارد لك لمنتخبنا بس المكسب الوحيد أن المدرب الفاشل واختياراته الفاشلة هيمشي والكبير هيفضل كبير جه وقت مدرب وطني”.
أما الإعلامي عمرو أديب فعبّر عن حزنه الشديد لخسارة منتخب مصر وكتب: “مش مكتوب لنا، مش مصروف لنا، حظنا من أسوأ ما يمكن، أو بمعنى أدق حظنا كان زفت، عملتوا كل اللي تقدروا عليه مش عارف أقول لكم إيه، راح الحلم للأسف راح، مضايق وتعبت جدا، محدش يقولي مجرد ماتش، كنا قريبين جدا بس راح مين يصدق اللي حصل، لو اتعاد ميت مرة كنا كسبنا، حزين جدا”.
بينما انتقد المؤلف عمرو محمود ياسين أداء محمد صلاح وكتب عبر حسابه في “تويتر”: “إزاي صلاح النهاردة كان بهذا السوء.. إزاي كان وحش بالشكل ده”.
وعبر المخرج مجدي الهواري عن حزنه بخسارة منتخب مصر أمام السنغال، واصفا شعوره في كلمة واحد حيث كتب عبر حسابه بـ”إنستغرام”: “ليلة حزينة”.
وكشفت الإعلامية لميس الحديدي موقفها من المبارة، قائلة: “ماتش صعب وكلنا زعلانين وكلنا عندنا كذا سيناريو منهم أننا لعبنا غلط والتشكيل فيه مشاكل وضربات الجزاء، وما حدش يتخيل أن صلاح وزيزو ومصطفى محمد يضيعوا أهداف.. دا شيء فوق خيالنا، دا غير ضغط الجماهير والتحكيم والليزر اللي بيضايق اللعيبة وأزايز المية على الشناوي”.
وتابعت: “لكننا كأبطال إفريقيا سابقا لازم نلعب أفضل ومنخافش ويكون فيه معسكر وفريق متلاحم بيقرأ بعض بشكل أفضل مينفعش نبقى فريق كبير ونضيع 3 ضربات جزاء وكان ممكن نحقق تقدم ومش عارفة أقول إيه”.
ووجهت المطربة أمينة رسالة طريفة لجماهير السنغال، خلال مجموعة فيديوهات عبر خاصية القص القصيرة لملحقة على حسابها الشخصي بـ”إنستغرام” قائلة: “أهو اللي بيحصل من ضغوطات وسفالة وليزر وشتايم وقلة أدب وسفالة جمهور مش جدع، مفيش مبروك يالا بقى.. دول راشين لينا عمل عندهم في شباكهم، يالا الحمد لله يبتليكم بنصيبة روحوا”.
لا يمكن تكسب وانت مركوب. مش هتكسب أي حاجة. وهنقعد تخسر كل يوم أكتر وأكتر لغاية لما يبقى ما عندكش شيء تخسره لأنك سيبت أهم مكسب وقولت عليه مش فارق وروحت إتمسحت في شكليات تافهة وعبيطة. وحتى الشكليات دي مش هتكسب فيها قبل ما تكسب أهم مكسب. حريتك.
— Amr Waked (@amrwaked) March 30, 2022
