شف الفنان خالد زكي، خلال تصريحات تلفزيونية عن تدهور أحواله المادية منذ عام 2011، وعدم امتلاكه سيارة أو حتى رصيداً في البنك. إذ قال: “ليس لدي رصيد مالي في البنك؛ لأني ماشي بمبدأ “اصرف ما في الجيب يأتيك ما في الغيب”… كنت بحب أعيّش أهلي وأخلّيهم سعداء وكان بالنسبالي أنا آخر حاجة أفكر فيها خالص فمعملتش حاجة خالص لي”.
وأضاف: “الظروف المادية بتلخبطني ومينفعش أقول ده… عشان محدش يقول الفنان الفلاني مايعرفش يجيب كذا… ومن 2011 بعت عربيتي على أمل إن الظروف لما تتحسن هجيب عربية، والحمد لله الظروف اتحسنت كوضع أمني ولكن أنا لحد دلوقتي بركب عربية مراتي ومش قادر أجيب عربية؛ لأني بفكر إن الفلوس اللي ممكن أجيب بيها عربية أقدر أصرفها في الأكل والالتزامات، وبحس بقهر من جوايا على الأحوال المادية بالنسبة لجيلنا”.
